Секыт югдуре сюрем нылпиослы «Тулкым» смена кизэ мычиз

Та нуналъёсы "Шунды" огазеяськонлэн "Шундыкар" лагерез сяна, ужзэ нуэ "Тулкым" смена. Со Ижкар котырысь "Ёлочка" лагерьын ортче."Тулкым" трос нылпиё, секыт улон югдуре сюрем семьяосысь удмурт пиналъёслы радъяське, кылмес, сям-йылолъёсмес утён но азинтон вылысь. Котьку сямен лагерь ас котыраз огазеяз 10-17 аресъем удмурт гуртъёсысь 40 пиналъёсты.Соосын ужало: "Тулкым" сменалэн кивалтӥсез – Кирилл Кириллов, "Эстрада" удыслэн ӧнерчиез – Светлана Зянкулова, "Фольклор" удыслэн ӧнерчиез – Александра Лукоянова но "Вожатство" удыслэн ӧнерчиез – Алёна Кириллова.Пиналъёс смена ӵоже та ӧръёсъя тодон-валан басьтозы, озьы ик трос тунсыко ужрадъёсы пыриськозы. Кылсярысь, туннэ лагерьын зэмос удмурт сям-йылолъёсъя сюан шудӥзы.