Удмуртилэн тӧроезлэсь ужзэ огдырлы быдэсъясь Ольга Абрамова Мерлыко чакласьёслэн корпуссылэн ужъюгдуръя центраз вуылӥз

Удмуртилэн тӧроезлэсь ужзэ огдырлы быдэсъясь Ольга Абрамова Мерлыко чакласьёслэн корпуссылэн ужъюгдуръя центраз вуылӥз

20-тӥ куарусёнэ Удмуртилэн тӧроезлэсь ужзэ огдырлы быдэсъясь Ольга Абрамова Мерлыко чакласьёслэн корпуссылэн ужъюгдуръя центраз вуылӥз но ужамзы понна тау кариз.

Арнянуналэ быръён участокъёс ворсаськонлы центрысь ӧнерчиос чакласьёслэн но калыклэсь 9 жингыртонъёссэс кутӥзы. Тросэз соос герӟаськемын вал кыӵе ке учырын мар карон сярысь юанэн но асьсэлэсь быръён участоксэс шедьтонэн.

Ольга Абрамова быръён участокъёсысь трансляциосын видеобордэз учкиз. Видеокамераос куара сётон понна 514 интыын пуктэмын вал.

«Та уж туж кулэ, малы ке шуоно котьку шедёз со, кинлэн быръён участокын югдур пумысен юанъёсыз кылдозы. Тодӥсько, та ласянь адямиос рос-прос ужало шуыса. Быръён участокъёслэн ёзчиоссы бюллетеньёсты киын лыдъяло, сое лыдэ басьтыса, чакласьёслэн но туж юн миссиязы. Нимысьтыз тау бырйисьёслы, быръён ӧриослэн ёзчиоссылы азинлык», - вераз Ольга Абрамова.

Мерлыко чакласьёслэн корпуссы ужъюгдуръя центрез 17-тӥ куарусёнэ усьтӥз. Йӧскалык лыдӟиськоннилэн юртаз со ужаз Россиысь Кун Думае быръёнъёсын куараосты лыдъян пумозь.

Туспуктэм: Удмуртиысь тӧролэн но кивалтэтлэн пресс-службазы