Адресъёсын пулъёсты кык кылын гожтон мынэ Ижкарын

Адресъёсын пулъёсты кык кылын гожтон мынэ Ижкарын

Ижкарын адресэн пулъёсты ӟуч но удмурт кылъёсын гожтыны кутскизы. Со сярысь Удмуртиысь йӧскалык политикая министерстволэн пресс-службаез «ВКонтакте» мерлыко вотэсын ивортӥз.

Ӵектосэз улонэ пыӵатыны луиз тӧрлык, мерлык но экспертъёс ӵош ужамлы луыса. Ужез радъязы Удмуртиысь йӧскалык политикая министерство, Вань удмуртъёслэн «Удмурт Кенеш» огазеяськонзы, Калыкъёслэн эшъяськон юртысьтызы кылысь кылэ берыктонъя ёзэтысь ӧнерчиос, Удмурт кылын нимкылъёсъя но шонер гожъяськонъя элькун ӧрилэн ёзчиосыз, Интывылэз азинтонъя центр, Ижысь кар администраци но кар дума.

Адресъёсын пулъёсты кык кылын гожтон Удмурт Элькунысь кун кылъёсъя но мукет калыкъёслэн кылъёссы сярысь катэз быдэсъян улсын мынэ.