Удмуртиын ньылетӥ ползэ Йӧскалык дӥсьлэсь нуналзэ пусйизы

Удмуртиын ньылетӥ ползэ Йӧскалык дӥсьлэсь нуналзэ пусйизы

Йӧскалык дӥсь – со огшоры дӥськут ӧвӧл. Со калыклэн историез, визьмыз но дунлыкъёсыз. Со быдэс сӧзнэт, кытын котькуд арберилэн кыӵе ке кулэлыкез но пуштросэз вань. Со сӧзнэтын бадӟым инты басьто йыре пононъёс. Соос кезьытлэсь утё, вылтусэз чебер каро, азьвыл аръёсы озьы ик возьмато вал адямилэсь арлыдзэ, кытысь луэмзэ, ваньбурзэ, инлыксэ. Россиын улӥсь калыкъёслэн асьсэлэн аспӧртэмлыко йыре пононъёссы но соосты нуллон куронъёссы.

2026-тӥ арын 18-тӥ куарусёнэ Удмуртиын ньылетӥ ползэ ни Йӧскалык дӥсьлэн нуналэз пусйиське. Элькунын 130-лэсь трос калыкъёс тупаса уло. Та нуналэ ӵектӥськомы удмуртъёслэн, ӟучъёслэн но бигеръёслэн йыре пононъёсынызы тодматскыны.