Удмуртиын семьяос понна «Маршрут построен! Удмуртия многонациональная» блог-тур ортчиз

Удмуртиын семьяос понна «Маршрут построен! Удмуртия многонациональная» блог-тур ортчиз

Калыкъёслэн эшъяськон юртсы удмурт шаерен аспӧртэмлыко тодматскон проектсэ туэ кыкетӥзэ радъяз.

Ужрадэ Ижкарысь, Шаркан, Красногорск, Якшур-Бӧдья ёросъёсысь пӧртэм выжыысь вить мыло-кыдо семьяос пыриськизы.

«Маршрут построен! Удмуртия многонациональная» блог-туре шедён понна соос нырысь конкурс пыр ортчизы. Лыдэ басьтӥськиз общественной уже, озьы ик пӧртэм конкурсъёсы пыриськемзы, социальной сетьёсын 5 сюрслэсь ятыр подписчикъёссы луыны кулэ вал. Соослы творчествоя ужез быдэстоно луиз на.

Блог-тур радъяськиз 28-тӥ августысен 30-тӥ августозь. Со дыр куспын отчы пыриськисьёс 10 интые вуылӥзы: Калыкъёслэн эшъяськон юртазы, Калыкъёслэн эшъяськонзылы сӥзем монумент доры, Удмуртиысь йӧскалык музее, «Лудорвай» музей-заповеднике, Космонавтъёслэн паркысьтызы Эшъяськон садэ, Еврей калыклэн лулчеберетъя центраз.

Калык эшъяськон юртлэн, Удмуртиысь Общественной палаталэн кивалтӥсез Юлия Шахтина:

— Анай-атайёс, соослэн пиналъёсы 3 нунал куспын Ижкарез чылкак выль сямен адӟизы. Дасям видеооссэс, клипъёссэс социальной сетьёсы пуктылӥзы: соосты учкизы но шоркармылэн историеныз тодматскизы пӧртэм улосъёсысь ог 300 сюрс адямиос.