Ижкарын Атыкай музъемез утисьёслы сквер усьтӥзы

«СВОи» ӵектос улсын 25-тӥ гудырикошконэ Ижкарысь кадет мынэтлэн школаяз Атыкай музъемез утисьёслы сквер (Сквер Воинов Отечества) усьтӥзы. Отчы сиреньёс мерттӥзы. Со сярысь кар администрацилэн пресс-службаез ивортӥз.

Сквере 22 пумо сирень мерттӥзы. Выжы уськытӥсьёс сортъёссылы дано полководецъёслэсь, Быдӟым Атыкай ожысь геройёслэсь, тодмо суредасьёслэсь, тодосчиослэсь, кылбурчиослэсь но гожъяськисьёслэсь нимъёссэс сётӥзы. Котькуд куак бордын историе кылем адямилэн туспуктэменыз но со сярысь ивортодэт вылэ выжтӥсь QR-кодэн табличка пуктэмын. Озьы ик нимысьтыз ожгар ужрадэ пыриськисьёслы сӥзем стенд вань.