«Этнопедагоичесике классы» ӵектос мытӥзы Глазкарысь Короленко нимо университетын

Глазкарысь В. Г. Короленко нимо инженерно-педагогической университетын «Этнопедагогические классы» ӵектос мытӥзы.

Солэн ужпумез – будэтыны выль дышетӥсьёсты, кудъёсыз туала методикаез тодэм сяна, Кам котырын улӥсь калыкъёслэсь лулчеберетсэс, йылолъёссэс но кылзэс мур валало. Со сярысь дышетсконнилэн пресс-службаез ивортӥз.

«Этнопедагогической классъёс – со инты, кытын пиналъёс асьсэ вылэ дышетӥсьлэсь ужзэ мерталозы, валалозы наставниклэсь ужзэ, со дыре ик кылёсбурез утись луозы. Милям потэ, ас калыкедлэсь лулчеберетсэ тодон вуоно дышетӥсьлэн ӧнер устолыкезлэн люкетэз мед луоз шуыса. Тау школаослэн кивалтӥсьёссылы оскемзы но та ӵектослэсь вуонозэ адӟемзы понна. Ми усьтӥськемын выль партнёръёслы, возьмаськомы школаосты, кинлы та ӧр матын луэ», - Янина Чиговская-Назарова, Глазкарысь В. Г. Короленко нимо инженерно-педагогической университетлэн кивалтӥсез.

Ӵектос борды 12 школаос итӥськизы ни. 21-тӥ гудырикошконэ ньыль дышетсконниен тупанкылъёс юнматӥзы. Со Глаз ёросысь Дондыкар школа, Кез ёросысь Александрово школа, Дэри ёросысь Лудорвай школа, Ижкарысь Кузебай Герд нимо удмурт йӧскалык гимназия. Озьы ик ӵектосэ пырисько Алнаш ёросысь Выль Утчан, Писэйгурт, Чем-Куюк школаос, Пичи Пурга ёросысь Баграш-Бигра но Гожня школаос, Сюмси школа, Вавож ёросысь Гурезь-Пудга но Выль Бия школаос. Выль дышетскон арын элькунысь школаосын этнопедагогикая классъёсын вотэсэз азинтон уж кутскоз. «Этнопедагогические классы» ӵектос Удмуртиысь Кун Кенеш, дышетонъя но тодосъя министерство, Йӧскалык дышетонъя институт, Дышетонэз азинтонъя институт юрттэмен быдэстӥське.