Россилэн куншетэзлэсь нуналэзлы сӥзем ужрадъес

Россилэн куншетэзлэсь нуналзэ пусйиськомы 22-тӥ августэ 1994-тӥ арысен

Куншетлэн тӧдьы буёлэз тупаса улонэз, чылкытлыкез возьматэ, лызэз — ӟечезлы осконэз, гордэз — юн сямез.
Куншетлэсь нуналзэ кунамы арлы быдэ паськыт пусйиськомы. Россилэн котькудаз сямен сэрегъёсаз пӧртэм ужрадъёс ортчыло. СВО кутскем бере куншетлы сӥзем акцизэс радъялляло отысь ожгарчиос но: флагез кутыса, видео, туспуктэмъёс лэсьяло.

Шаерамы ужрадъёс кутскозы 21-тӥ августэ «Наша сила — в единстве!» автопробег бордысен (18+). Машинаосын колоннаос ортчозы 5 ёросъёстӥ: Ижысь Кизнер пала ширтозы, отысен — Грак но Алнаш ёросъёсы, бӧрысь Каракулино ёрос пыр выльысь Иже берытскозы. Алнаш черкогуртысь культурая юртлэн азбараз автопробеглы сӥзем бадӟым ужрад ортчоз: радъяськозы «Триколор» акция, концерт, мастер-классъёс.

Ижын Куншетлы сӥзем уно ужрадъёс ортчозы 22-тӥ августэ Шор карлудын (0+). Кутскозы соос Россилэн гимнэз чузъяськем улсын.
12 часысен 20 часозь ортчоз «Добрая Удмуртия» фестиваль. Шаерысьтымы волонтёръёслэн 20 отрядъёссы радъялозы мастер-классъёс, викторинаос. Котькуд мылкыд карись ассэ волонтёр луыса эскерыны быгатоз.

16 часын усьтӥськоз «Под флагом добра — за Россию!» концерт. Коллективъёслэн кырӟанъёссы, эктонъёссы сӥземын луозы кунштлэн буёлъёсызлы — тупаса улонлы, ӟечезлы осконлы, юн сямо луонлы.

16 час 45 минутэ ортчоз тужгес мыло-кыдо волонтёръёсты сӥлы карон ужрад.
Нунал ӵоже Шор карлудэз отын но татын шулдыртоз Россилэн куншетэз — радъямын луоз «Живой стяг» акция.

17 час 40 минутэ кутскоз СВО-ысь ожгарчиослы сӥзем «СВО. Память и поддержка» программа. Пӧртэм коллективъёс, мыло-кыдоос сцена вылысен мадёзы СВО-ысь ожгарчиослэн подвигъёссы сярысь, данъялозы кышкасьтэм луэмзы понна.

18 часын карлудын кутскоз «Живой флаг» акция. Люкаськемъёс Россилэсь маке кузьда куншетсэ возъялозы. Ӵапак соку Иже вуозы «Наша сила — в единстве!» автопробеге пыриськемъёс. Соос но флагез возёзы. Куншетлэсь нуналзэ пусъёнэз йылпумъялоз Пермьысь вокалъя «РОССО» группа. Соос быдэстозы Атыкай музъеммес яратонлы, ӟечезлы осконлы сӥзем кырӟанъёссэс.