«ГуртФестлы» — 10 ар!

«Лудорвай» музей-заповедникын 10-тӥ ползэ ортчиз «ГуртФест» фестиваль.

Туэ со сӥземын вал Калыкъёслэн эшъяськон арзылы. Огдышем сямъя, праздник кутскиз тӧл вукоез лэзёнэн. Собере музей-заповедник тырмиз кырӟан, эктон гуръёсын. Котыр лӧсъяськиз ческыт пӧрам зын, веръяны луиз выль кыскем чечыез.

Ортчизы пӧртэм мастер-классъёс. Кылсярысь, «Мастеръёслэн гуртазы» мылкыд карисьёс ас киынызы пулэсь пуньы вӧлыны быгатӥзы, кин но со горд сюйлэсь арбериос лэсьтӥз.

Ӧжыт ӧй вал калык сямъёсъя кубиста сылалтыны дышетскисьёс но. Радъяськиз киужъёсын адӟытон но вузкарон. Котькудӥз ик куно ортчиз пӧртэм калыкъёслэн азбаръёстӥзы — отын тодматскиз удмуртъёслэн, ӟучъёслэн, поръёслэн, бигеръёслэн сям-йылолъёсынызы, культураенызы.

Бадӟым сцена вылысен шулдыртӥзы «Брангуртысь песянайёс», Анастасия Медная но мукет артистъёс.