Удмуртиысь семьяослэн туспуктэмъёсынызы адӟытон усьтӥськиз Ижкарын

13-тӥ гудырикошконэ Ижысь Шор карлудын «Счастливые семьи Удмуртии» адӟытон (0+) усьтӥськиз.

Отысь «Семья года – 2026» вожвылъяськонэ пыриськисьёслэсь но вормисьёслэсь туспуктэмъёссэс адӟыны луэ. Ӵектослэн ужпумез – улосвылысь мыло-кыдо, тунсыко семьяосын тодматыны.

«Татын возьматэмын семьяос, кудъёсыз семья шудэз утё, будэто но кылдыто. Ми ӧтиськомы карын улӥсьёсты но куноосты семьяослэн историосынызы тодматскыны, кудъёсыз кинлы ке пример, кинлы ке ориентир луыны быгатозы, нош будӥсь выжыос понна – со анай-атаенызы данъяськон», - Алексей Чернов, Удмуртиысь мерлыко политикая но ужъя министрлэн нырысетӥ воштӥсез.

Пусъёно, вожвылъяськон Росси азьмуртэн Владимир Путинэн кичӧлтэм «Семья» йӧскалык ӵектос улсын ортчиз. Оглом 1,5 куриськон вуиз. Адӟытонын Ижкарысь Емельяновъёслэн туспуктэмзы поттэмын.

«Данъяськиськомы, пиналъёсмы ваньзы спортэн выро шуыса. Ваньзы пичи дырысен куасэн ворттыло. <…> Ми дуннеез адӟыны яратӥськом. Кытчы ке мынӥськомы ке, одно ик быдэс семьяен. Яратӥськомы Россысь каръёсы ветлыны, отысь интыосты адӟыны. Али Удмуртиез эскериськомы», - Надежда Емельянова, трос нылпиё анай.

«Ми вань люкетъёссэ ортчимы но табере ми татын, Шор карлудын. Шумпотӥськомы, милемыз пусйизы шуыса. Ми бадӟым, тупаса улӥсь семья, соин туж данъяськиськомы. Папамылы туспуктэм лэсьтыса келямы, али со ужа. Нырысь со малпаськиз, пыриськоно-а, ӧвӧл-а вожвылъяськонэ. Мон шуисько: “Ойдо оскалтом. Пӧрмиз ке – пӧрмоз, ярам”. Гожтӥз милемлы, ми ӟечокъёс шуыса», - Елена Созонова, трос нылпиё анай Туспуктэмъёс пӧлысь шоркарысь Пупышевъёслэсь семьязэс адӟыны луэ.

Адӟытон 31-тӥ гудырикошконозь ужалоз. Сое «Удмуртская правда» газетлэн (12+) редакциез мерлыко политикая но ужъя министерство дасяз.