Школаыосын урок Россиысь калыкъёслэн огъя луэмзылы сӥземын луоз

1-тӥ куарусёнэ Удмуртиысь школаосын но колледжъёсын «Разговоры о важном» урок ортчоз.

Со Россиысь калыкъёслэн огъя луэмзылы но духовно-нравственной дунлыкъёсты юнматонлы сӥземын луоз. Со сярысь элькун тӧролэн но кивалтэтлэн пресс-службазы ивортӥз. Озьы ик Тодонлык нуналлэн программаяз историез утён но патриотизм мылкыдэз пыӵатон пыртэмын.

«Кунмылэсь трос йӧскалыкъем лулчеберетсэ, огъя историез но дунлыкъёсты гажан пыр ми егитъёсты бадӟым Атыкай музъеммылэн улоназ пыриськыны кыскиськомы. Россиысь калыкъёслэн огъя луэмзылэн араз со тужгес но кулэ», - вераз Эдуард Петров, Удмуртиысь йӧскалык политикая министрлэсь ужъёссэ быдэсъясь.

1-тӥ куарусёнэ сӥё-дано ужрадъёс дышем сямен Россилэсь куншетсэ ӝутон но кункрезьзэ быдэстон бордысен кутскозы. Дышетсконниослэн кивалтӥсьёссы но дуно куноос дышетскисьёсты ӟечкылалозы, сизёнъёссэс вералозы.