Ижын «Добрая Удмуртия» фестиваль ортчоз

22-тӥ гудырикошконэ, Россилэн куншетэзлэн нуналаз, Ижын 12 часын «Добрая Удмуртия» фестиваль (0+) ортчоз.

Шор карлудэ волонтёръёслэн 20 огазеяськонъёссы люкаськозы. Карын улӥсьёс но куноос приютысь пуныен поръялскыны, нырысетӥ юрттэт сётыны дышетскыны, тунсыко квиз яке викторина ортчыны, волонтёръёс радэ гожтӥськыны быгатозы. Со сярысь кар администрацилэн пресс-службаез ивортӥз. Шор карлудэз «Живой стяг» инсталляци, Россилэн но Удмуртилэн куншетъёсынызы фотозонаос чебертозы. 16 часын «Под флагом добра – за Россию!» концерт возьматозы. Россилэн кункрезез чузъяськоз.

Сцена вылысь мӧйыослы, нылпиослы но секыт улон югдуре сюремъёслы юрттӥсь адямиос но ӵектосъёс мадёзы. 16 час 45 минутэ элькунысь волонтёръёслэсь мынэтсэс азинтонэ ватсэт кельтэмъёсты данъялозы. 17 час 20 минутэ «Гордость за Родину» патриотической программа кутскоз. «СВО. Память и поддержка» блокын ожгарчиослэн юнлыксы сярысь вералозы. 18 часын «Живой флаг» акци мытозы. Карын улӥсьёс бадӟым куншетэз валтӥсь сцена доры нуозы. Соос борды «Наша сила – в единстве» автопробеге пыриськисьёс итӥськозы.

18 час 15 минутэ концерт программаез Россиысь калыкъёслэн огъя луэмзылы сӥзем блок азьланьтоз. Калыкез Ижкарысь тужгес но усто коллективъёс шулдыртозы. Праздникез пусъёс Пермьысь «РОССО» группалэн концертэныз йылпумъяськоз.