Удмуртиысь 400 школьникъёс вуылӥзы шаермылэн пӧртэм интыосаз

Удмуртиысь 400 школьникъёс вуылӥзы шаермылэн пӧртэм интыосаз — тодматскизы Удмуртилэн историеныз, соин герӟаськем синпелетъёсын

Экскурсиосы дунтэк вуылӥзы 5-тӥ — 7-тӥ классъёсын дышетскисьёс, дышетсконазы вормонъёс басьтэм пиналъёс. Пӧлазы вал СВО-ысь ожгарчиослэн но нылпиоссы.

Экскурсиос радъяськизы элькунысьтымы Туризмъя, озьы ик Дышетонъя но наукая министерствоос кичӧлтэмъя. Туэ ужрад ортчиз Калыклэн эшъяськонзылы сӥзем арез пусъён улсын. Школьникъёс, кылсярысь, вуылӥзы Дэри ёросысь «Лудорвай», Глазов ёросысь «Иднакар» музей-заповедникъёсы, Вотка ёросысь Кукуи гуртысь культурая юртэ, Кияса ёросысь Уддяди гуртысь удмурт культурая юртэ. Отын соос тодматскизы калыкъёслэн сям-йылолъёсынызы, веръязы калык сиёнъёсты, учкизы калык дӥсьёсты.

"Удмурт дунне"