Ижкарын Калыкъёслэн эшъяськон юртазы «Zа любовь» федерал ӵектосэн тодматӥзы

20-тӥ пӧсьтолэзе Ижкарын Калыкъёслэн эшъяськон юртазы «Zа любовь» федерал ӵектосэн тодматӥзы.

Пумиськонын сое Удмуртиын улонэ пыӵатон сярысь вераськизы. Ужрадэ элькун кивалтэтысь, министерствоосысь но удысэтъёсысь, Ижкар администрациысь огмуртъёс, мерлыко огазеяськонъёслэз ёзчиоссы, нимысьтыз ожгар ужрадэ пыриськисьёслэн ӵыжы-выжыоссы люкаськизы. «Zа любовь» ӵектос нимысьтыз ожгар ужрадэ пыриськисьёслэн кузпалъёссылы – секытэн нылкышноослы но куинь аресозь пиналъёсын анайёслы юрттон понна радъяське.

«Ӵектос нимысьтыз ожгар ужрадлэн кутсконаз кылдӥз, ми доры нылпи ваён юртын кыллись но ньылетӥзэ пизэ вайыны дасяськись кышномуртлэн эшез вазиськиз. Солэн картэз ивортэк ышемен лыдъяське вал. Ми итӥськимы, юрттыны кутскимы. Туннэ со Подмосковьеын улэ, нырысетӥ образование басьтэ, пичиез пиналыз нылпи садэ мынӥз. Со – нылкышно, кудӥз аслэсьтыз нылпиоссэ, асьмемыз утьыкуз бырем геройлэсь наследникъёссэ будэтыны быгатэ » Екатерина Колотовкина, Россиысь Мерлыко палаталэн нимысьтыз ожмаськонъёсысь ветеранъёслы но соослэн семьяоссылы юрттонъя ӧрилэн кивалтӥсезлэн нырысетӥ воштӥсез.

Ӵектосэн тодматэм сяна, ужрадын коллективъёс концерт возьматӥзы, пиналъёс понна мастер-классъёс ортчизы. Туспуктэмъёсын «Zа любовь» улосвыл адӟытон (0+) усьтӥськиз. Отын нимысьтыз ожгар ужрадэ пыриськисьёслэн пинал возьмась яке нылпи будэтӥсь семьяоссы возьматэмын. Одӥгез пыриськись, ожгарчилэн кышноез, ӵектос борды секытэн дыръяз итӥськиз. Отын со пӧртэм юрттэт амалъёс сярысь тодӥз.

Нылкышноос понна нимысьтыз чат ужа, кытын соос юанъёссылы валэктоншедьтыны яке огазеяськонлэн мукет ёзчиосызлэсь юрттэт басьтыны быгато.