«Семейный калейдоскоп» этнофестиваль семьяосты огазеяз

8-тӥ пӧсьтолэзе, Семьялэн, яратонлэн но осконлыклэн нуналаз, Балезино ёросын «Семейный калейдоскоп» этнофестиваль ортчиз. Ужрадэ Балезино, Кез но Дэбес ёросъёсысь семьяос люкаськылӥзы.

Балезино ёросысь ёзэтмылэн кивалтӥсез Надежда Наговицына ивортэ:

- Кенешчиослы но бадӟым шуд усиз празднике вуылыны, солэн ог люкетэз луыны. Калык шудонъёс, кырӟанъёс, эктонъёс пыр мургес тодматӥм люкаськемъёсты удмурт лулчеберетэн. Таӵе пумиськонъёс выль эшъёс кузьмало, пӧртэм выжы калыкъёсты огазеяло.

«Удмурт кенеш»