Стартэ — быдэс семьяен!

8-тӥ июле Ижысь Киров нимо паркын 18 часын нырысьсэ ортчоз пӧртэм выжы калыкъёслэн семьяен бызьылонзы (0+).

Калыкъёслэн эшъяськон арзылы но Семьялэн, яратонлэн но ог-огдэ гажанлэн нуналзылы сӥзьыса, шаерысьтымы спортэн эшъяськись семьяос понна «Семья» нацпроект чотын нырысьсэ эшлыко бызьылон радъяськоз. Ӵошатсконэ пыриськыны быгато вань мылкыд карисьёс но семьяос, кытын будо 13 аресозь нылпиоссы. Со понна 5-тӥ июле 23 час 59 минутозь пусйиськоно «ВКонтакте» группаысь «Семейный забег» огинын.

Семьяен бызён сюреслэн кузьдалаез 500 метр гинэ, спортэн эшъяськись нылпиос 500 метрысен 1 иськеме бызёзы, бадӟымъёс — 5-10 иськеме. Стартэ пыриськисьёс ас калык дӥськутэнызы яке пужыоссы мед луозы. Паркын та нуналэ пӧртэм площадкаос но мастер-классъёс ужалозы.