Удмуртиысь кардиохирургъёс секыт операциосты лэсьтыны дышизы

Кылсярысь, аортокоронарной шунтированиез. Тазалыкез утёнъя министерствоысь сюлэм но сэр висёнъёсъя валтӥсь хирург Сергей Анисимов шуэ: — Азьвыл та операциез лэсьтӥськомы вал, гадез вандыса — «усьтэм» сюлэм вылын. Нош али урдлы вискытӥ пичи пась гинэ кариськомы. Озьы вир трос уг кошкы, вӧсь уг луы, адями ӝог йӧна — кӧня ке нунал ортчыса, султыны быгатэ ини. Мукетыз секыт операция — митральной клапанэз воштон. Эмъясьёс нырысь клапанэз будэто, висись муртлэсь клеткаоссэ басьтыса. Собере сое, сюлэм ужаку ик, отчы пукто. Та операция адямиез тромбъёслэсь уте.

Сюлэм но сэр висёнъёсын курадӟисьёслы юрттэт сётон — «Продолжительная и активная жизнь» нацпроектлэн огез валтӥсь ужпумез луэ. Нацпроект улонэ пыӵа Президент Владимир Путин кичӧлтэмъя. Напроект улсын али кардиохирургъёс рос-прос лэсьто мукет процедураосты но - сэръёслы УЗИ лэсьто, аортае эндопротез пукто, ультразвук тулкымъёсын сэръёсысь тромбъёсты быдто но мукет.

Туспуктэмъёс: Тӧролэн но Правительстволэн пресс-службаез.