Шаерамы мынэ «Ёлка желаний» акция

Удмуртиын сяна, нокытын но со гужем уг радъяськы. Та вал Тӧролэн Александр Бречаловлэн кичӧлтонэз. Акция туэ гужем ортче ни 4-тӥзэ.
«Ёлка желаний» акция улсын кивалтӥсьёс, депутатъёс, ужбергатӥсьёс, ӟеч уж лэсьтыны вань мылкыд карисьёс кузьымъёсын шумпотто секыт югдуре шедем, ёрмись семьяосысь, сирота кылем нылпиосты, СВО-ысь ожгарчиослэсь пиналъёссэс. Кылем арын быдэстэмын вал 800-лэсь ятыр пиналъёслэн куронъёссы.

«Ёлка желаний» акция улсын Удмуртилэн Тӧроез, «Единая Россия» партилэн Удмурт ёзэзлэн секретарез Александр Бречалов быдэстӥз Яр ёросысь Артёмлэсь но солэн Ксюша но Катя сузэръёсызлэсь куронъёссэс. Артёмлы келяз чорыганы тӥрлык, нош сузэръёсызлы — Ижысь ипподромын эскурсия. Иже соос быдэс семьяенызы вуизы.

Пиналъёслэн атайзы СВО-ын быремын, сварщик вал. Артёмлэн но, атаез сямен ик, сварщик луэмез потэ. Сузэръёсызлэн — ветеринар но нылпи садысь воспитатель.
Нылпиос ипподромын вал вылын но, уробоен но ворттылӥзы. Ижысь зоопарке но Тӧролэн резиденцияз вуылӥзы. Пиналъёс но, анайзы но таӵе кузьым понна Александр Бречаловлы таукарон кылъёссэс веразы.

Туспуктэмъёс: Тӧролэн но Правительстволэн пресс-службаез.