Татарстанын "Гырон быдтон" праздник ортчоз

27-тӥ инвожое Татарстанын "Гырон быдтон" праздник ортчоз. Удмурт лулчеберетлы сӥзем шулдыръяськон туэ Мамадыш ёросысь Пойкино гуртын радъяськоз.

Вуэм куноосты вите бадӟым концерт. Люкаськемъёсты шулдыртозы "Айкай" кун театрысь артистъёс, удмурт эстардаысь егит кырӟасьёс, Татарстанысь фольклор коллективъёс.

Дышем сямъя ини шулдыръяськонын ужалозы трос пӧртэм площадкаос. Мылкыд карисьёс удмурт йӧскалык шудонъёсы пыриськыны быгатозы, егитъёс понна "Удмурт Чеберина" но "Удмурт Батыр", семьяос понна "Шудо-буро удмурт семья", арганчиос понна "Арган кырӟа" вожвылъяськонъёс радъяськозы.