Кузебай Герд нимо нылпи садын "Пичи Гербер" праздник ортчиз

Ужрад туэ 13-тӥ ползэ радъяськиз ни.

Пиналъёс тулыс бусы ужъёслэсь йылпумъяськемзэс гинэ ӧвӧл, гужемлэсь вуэмзэ но пусйизы. Доразы куноос вуылӥзы - 77-тӥ номеро нылпи садысь нылъёс но пиос.

Покчиос трос пӧртэм станциосты ортчоно луиз: кырӟазы, арган шудэм улсын тыпыртӥзы, мунё лэсьтӥзы, нылъёс карнанэн ву нуллӥзы, пиос, кор вылэ пуксьыса, миндэрен нюръяськизы. Соосын ӵош анай-атайёс но шулдыръяськизы.

Арысь аре шудон амалъёс нылпиосты вашкала сям-йылолъёсын, удмурт лулчеберетэн тодмато, анай кыллы яратон пыӵато, мылкыдзэс бугырто.

Туспуктэмъёс: Наталья Михайлова