Кивалто ветеранъёс

Удмуртиын «СВОй резерв18» программа чотын СВО-ысь ветеранъёс Кун но муниципал ёзъёсын ужало ини. Озьы шаерысьтымы предприятиосын, муниципал но кун кивалтон ёзъёсын 12 адями тырше. Одӥгез соос пӧлысь — Мужество орденлэн кавалерез Михаил Черничкин. Со табере Егитъёсын ужан политикая министрлэн воштӥсез. Мукетыз СВО-ысь герой Олег Матвеев — Иж город думалэн кивалтӥсезлэн воштӥсез. Ува, Якшур-Бӧдья, Сьӧлта районъёсын но СВО-ысь ветеранъёс ёрос администрациосын ужало.

«СВОй резерв 18» программае пыриськись ветеранъёс 200 академической часъёс мында дышетскизы ни. Туннэ, 3-тӥ июне, мытэмын дышетсконзылэн 4-тӥез — берпуметӥез — люкетэз. Йылпумъяськоз со 13-тӥ июне. Соос берпуметӥ экзамен пыр ортчозы — ужъёссэс утёзы (защита ортчоз).

Туспуктэм: Тӧролэн но Правительстволэн пресс-службаез.