1000-лэсь ятыр пиналъёсты люказ "Гуждор" фестиваль.

"Лудорвай" музейын куатетӥ ползэ ини Дэри ёросысь нылпи садъёсы ветлӥсь но школаын дышетскись ныпиос понна удмурт фестиваль ортче. Туэ шулдыръяськонэ 1000-лэсь ятыр пиналъёс вуизы. Дэри ёросысь пиналъёс борды озьы ик итӥськизы Глазов ёросысь но Татарстанысь Агрыз ёросысь нылъёс но пиос.

Таяз радэ ужрад Калыкъёслэн огъя луэмзылэн арезлы сӥземын вал. Фестивальлэн командаез пиналъёс понна туж узыр программа дасяз. Пиналъёс элькунамы улӥсь калыкъёслэн сям-йылолъёсынызы тодматскизы, пӧртэм станциосты ортчыса, тодон-валанъёссэс эскеризы. Калык шудонъёс, кырӟанъёс, эктонъёс пыр мургес тодматскизы соослэн лулчеберетъёсынызы.

Ужрад ортче Лудорвай школа кичӧлтэмъя, "Удмурт Кенеш" огазеяськонлэн ёзэтэз, Дэри ёрос Администрация но "Лудорвай" музей юрттэмъя.

Туспуктэм: "Лудорвай" музей.