Славян письменностьлы но культуралы сӥзем бадӟым ужрад (0+) ортчоз Ижын 24-тӥ мае

Операя но балетъя театр дорын ортчоз тунсыко ужрад — мылкыд карисьёс лыдӟыны быгатозы ӟуч писательёслэн но поэтъёслэн произведениосысьтызы яратоно чуръёссэс. Отын ик радъяськоз «Дарю тебе слово» акция: котькуд адями книгаоссэ вайыны быгатоз — соос келямын луозы Донбассын улӥсьёслы.

Калыкъёслэн эшъяськонзылы сӥзем монумент дорын кылбуръёссэс лыдӟозы шаерысьтымы поэтъёс, ортчозы мастер-классъёс но ӟуч литературалы, культуралы сӥзем викторинаос, калык огазеяськонъёсысь азьветлӥсьёс люкаськемъёсты дышетозы пӧртэм кылын ӟечбуръяськыны, ӟеч сӥзёнъёс вераны.

Со нуналэ ик Ижысь медициная кун академилэн азбараз усьтӥськоз Лука святительлы — хирурглы, профессорлы Валентин Войно-Ясенецкийлы — сӥзем синпелет. Удмурт театрын кырӟалозы Москваысь Данилов монастырьлэн хораз ветлӥсьёс, Йӧскалык библиотекаын усьтӥськоз ӟуч писательлы, этнографлы Владимир Дальлы 225 ар тырмонлы сӥзем адӟытон.

#ДеньСлавянскойПисьменностиИкультуры Туспуктэм: Ӟуч культурая элькун обществолэн пресс-службаез.