26-тӥ мае шаерысьтымы вань шко лаосын жингыртоз берпуметӥ гырлы

Таин сэрен югдурез утисьёс котькуд дышетон учреждениез син азязы возёзы. Азьвыл аръёсы сямен ик, туэ но та нуналэ кудӟытӥсь юонъёсын вуз карыны уз лэзе. Полицейскойёслы юрттӥськозы Атайёслэн огазеяськоназы пырись воргоронъёс.

26-тӥ мае Ижысь Горький нимо паркын — пиналъёслы, анай-атайёслы но выпускникъёслы сӥзьыса — «Последний звонок» бадӟым шулдыръяськон ортчоз. Кутскоз со 15 часын, йылпумъяськоз 20 часын. Ужрад мыноз «Город моей мечты» ӧтён улсын. — Малы сыӵе ӧтён малпамы? Пиналъёс Ижысь школаез йылпумъязы, табере Ижысь ик сузъёсын но вузъёсын дышетсконзэс мед азинтозы! — шуиз дышетонъя но наукая министр Римма Бякова.

#Дышетон #БерпуметӥГырлы Туспуктэм: Дышетонъя но наукая министерстволэн "ВКонтакте" бамысьтыз.