Татын батыръёс сярысь легендаос улӟо!

Гажано эшъёс! Таяз арын Гербер шулдыръяськон Глаз ёросысь Коӵыш гурт вӧзысь Куашкам шур дурын ортчоз. Уйпал батыръёслэн музъем вылазы 20-тӥ инвожое мыномы.

Кизён-гырон ӟеч ортчем понна тау каромы музъем ужасьёслы, данъяломы но дунъяломы кужмо, кибашлы, быгатӥсь удмуртъёсты. Арлы быдэ Гербере дасо сюрслэсь ятыр калык люкаське. Куноос Элькунмылэн палэнысьтыз но, кунгож сьӧрысь но трос вуо.

Ужбергатӥсьёслы, киужен вырисьёслы но ваньмон дырез радъясьёслы со асьсэлэсь ужъёссэс, быгатонлыкъёссэс возматыны бадӟым луонлык сётэ. Лулчеберет но ужбергатон та шулдыръяськонын ваче ки мыно уга. Герберын ортчозы пӧртэм ужрадъёс: «Писпу кужым» этно-марафон, «Воршуд» визьсынан, пулэсь синпелетъёс лэсьтонъя «Шаплы пила» ӵошатскон, уйпал но лымшор удмуртъёс куспын футболэн шудон, киужъёсын «Кибашлы арама» адӟытон. «Тангыра, тангыра, куарадэ будэты» концерт площадкае пыриськыны ӧтиськомы:

Фольклор но вокал коллективъёсты Инструментальной ансамбльёсты Удмуртиысь но Россиялэн мукет улосъёсысьтыз нимаз кырӟасьёсты Егитъёсты ӧтиськомы «Писпу Кужым» этномарафонэ пыриськыны:

16-25 аресъем егитъёсты Котькуд командаын 4 адями луыны кулэ (2 нылъёс но 2 пиос) Командаос Удмуртиысь котькуд ёрослэсь яке карлэсь мед луозы Котькуд командалэн одно ик капитанэз луыны кулэ!

Нош марафонэ пыриськыны мылкыдды вань но командады ӧвӧл ке? Эн куректэ, ми тӥледлы юртом! Ивортэ ужрадэз радъясьёслы, соос тӥледлы эшъёс шедьтозы. Кибашлыосты, сям-йылолъёсты утисьёсты но ваньзэсты киужен вырисьёсты аспӧртэмлыко Кибашлы арама нимо площадкае ӧтиськомы. Тӥледлы Гербер шулдыръяськонын нимысьтыз ульча висъямын.

Кибашлы арама площадка тӥледлы луонлык сётоз: Быгатонлыкъёстэс паськыт аудиторилы возьматыны Мылкыд карисьёслы быгатонлыкъёсты сярысь вераны но киуждылы дышетыны Тиледын одӥг кадь малпаськисьёсты шедьтыны Мукет кибашлыослэсь ужъёссэс учкыса мылкыддэс бурдъяны Финн-угор дуннелэн улэп лулчеберет кодэзлэн люкетэз луыны.

Гербер шулдыръяськон сярысь пыр-почгес тодэмды луоз ВК сообществоысьтымы: https://vk.com/gerber_2026