Россиын ужзэ мытӥз «Больше, чем путешествие в Молодежную столицу» медиапроект

Со улонэ пыӵа «Молодёжь и дети» нацпроект чотын. Егит блогеръёс азе ужпум пуктэмын: Россилэн улосъёсыз сярысь тунсыко но яркыт видеоос, туспуктэмъёс, текстъёс дасяно — соосты учкыса-лыдӟыса, котькуд адямилэн мылкыдыз мед ӝутӥськоз улосъёсты ас синмынызы адӟыны.

Проектэ пыриськыны быгато 18-ысен 35 аресозь нылъёс но пиос. Со понна пусйиськоно morehtantrip.ru/puteshestv... сайтын. Медиаэкспедицилы городъёсты быръёно: Смоленск (Россиысь егитъёслэн шоркарзы) яке Елец (егитъёслэн городзы). «ВКонтакте»-ысь страницаяд интыяно 5-10 туспуктэм, 1-1,5 минутъем видео, 300-500 кылъёслэсь текст.

Куриськонъёсты кутон кыстӥськоз 10-тӥ маёзь. 11-23-тӥ мае дунъясьёс вань ужъёсты эскерозы. 24-тӥ мае йылпумъянъёс лэсьтозы. Озьы 25 вормисьёс Егитъёслэсь нуналзэс пусъёзы Смоленскын, нош 50-эз - Елецын.

Елена Слащёва.

Туспуктэм: «Больше, чем путешествие в Молодежную столицу» проектлэн сайтысьтыз.