Тӧро Александр Бречалов меӵак эфирын калыклэн юанъёсызлы валэктон сётӥз

Ижысь Кызьпу арама сярысь юалляськиз Ижысь Елена Кузьмина. «Улыны тупамон город» (ФКГС) программа улсын радъяськылӥсь юалляськонын Кызьпу арамаез выльдонлы 2022-тӥ арын дурбасьтӥзы 20 сюрслэсь ятыр адямиос. Со дырысен отын выльдӥськон ужъёс мыно. Юрттэ инвестор но, уксё висъяське элькун бюджетысь но. — Лэсьтӥськон ужъёс люкетэн-люкетэн чакламын, — валэктӥз Тӧро. — Азьвыл аръёсы лэсьтэмын тротуаръёс, шутэтскон площадкаос. Туэ арамаын бадӟым выльдӥськон мыноз. Отын усьтэмын луозы мугорез кыдатон площадкаос, семьяен поръян но шутэтскон интыос, синпелетъёс, павильонъёс — отын кафеос но луозы. Кызьпу арамаын туж шулдыр луоз.

Арамаысь писпуосты коран пумысен Тӧро шуиз: уноез писпуос сисьмыны кутскемын, сиисьёсын быдтэмын. Со сяна, отын туж трос американской бадяръёс — соос ӝог аляло, мукет писпуослы будыны уг сёто. Сюлмаськонэз ӧвӧл — корам писпуос интые мерттэмын луозы 600-лэсь ятыр яблокпуос, беризьёс но кызьпуос, Елена Кузьминаез буйгатӥз Александр Бречалов.

Туспуктэмъёс: izh.ru