Россилэн Президентэз Владимир Путин кичӧлтэмъя 3 ар талэсь азьло кунамы кылдытэмын вал «Защитники Отечества» фонд

Солэн ёзъёсыз усьтэмын Россиысь котькудаз улосын, Удмуртиын но. 3 ар куспын «Защитники Отечества» фондлэн Удмурт ёзаз тыршисьёс 40 сюрс ужпумъёсты сэрттӥзы-пертчизы, СВО-ысь ожгарчиослы но матысь адямиоссылы пӧртэм пумо юрттэт сётӥзы. Вуэм вазиськонъёс пӧлысь 96 процентэз быдэстэмын, ожгарчиослы, ветеранъёслы юрттэмын.

Фонд пыр ожгарчиослы пӧртэм пумо юрттэт сётӥське. Кылсярысь, СВО-ын кизэс-пыдзэс ыштэм ветеранъёслы киын управлениен машинаос висъясько. Сое басьтӥзы ни Дэри, Пичи Пурга, Алнаш, Балезино ёросъёсысь 4 воргоронъёс.

Диспансеризациез кылем арын ортчизы СВО-ысь 1 сюрс ветеранъёс. Со пӧлысь 100 адями реабилитацие келямын, 11-ез — тазалыкез утёнъя бадӟым федерал центръёсы.

СВО-ысь ветеранъёслы улон-вылонын юрттэт сётон понна шаерамы ужало пӧртэм программаос, кылсярысь, «СВОй резерв 18», «Школа фермера».100-лэсь ятыр ветеранъёс (инвалидъёс) спортэн выро, пӧртэм ӵошатсконъёсы пырисько. «Защитники Отечества» фонд пыр соослы мугорзэс кыдатыны кулэ луись арбериос висъясько.

Туспуктэм: Тӧролэн но Правительстволэн пресс-службаез.