Тӧро Александр Бречалов: 13 ёросъёсын пуктэмын луозы модульной амбулаториос но ФАП-ёс

Та сярысь Тӧро ивортӥз «Мынам Удмуртие» телерадиокомпаниын 1-тӥ апреле ортчем меӵак эфирын. А. Бречаловлы вазиськиз Эгра ёросысь Зура черкогуртысь нылкышно: эмъяськоннимес, пе, ворсаны малпало. Тӧро шуиз: — Нокин но отысь эмъяськонниез пытсаны уг чакла. Апрельын отын пуктыны кутскомы выль амбулаториез, отчы туала оборудование пуктыломы. Вань эмъясьёс вуж юртысь выляз выжозы.

Тӧро ивортэмъя, туэ усьтэмын луозы 8 амбулаториос но 19 ФАП-ёс. Эмъяськонниосы варчъёсты, фельдшеръёсты, эмъясь сузэръёсты кыскон вылысь пыӵа «Гуртысь доктор/фельдшер» федерал программа. Гуртысь эмъяськонниосы ужаны интыяськем врачъёслы 1,5 миллион манет сётӥське, фельдшеръёслы — 750 сюрс манет. Соослы юрттэт сётӥське улон интыен но. Кылсярысь, «Гуртэз котыр ласянь азинтон» программая Ува ёросын врачъёслы 4 корка пуктэмын.

Выль амбулаториос, кылсярысь, усьтӥськозы Дэри ёросысь Первомайский, Вараксино черкогуртъёсын, Можга ёросысь Пыӵас черкогуртын. Выль ФАП-ёс пуктэмын луозы, кылсярысь, Пичи Пурга ёросысь Вуж Мӧнья, Миндэр, Куреггурт, Дэбес ёросысь Уйвай гуртъёсын.

Туспуктэм: Тӧролэн но Правительстволэн пресс-службаез.