«Огъя Россия» партилэн Удмурт ёзэз сюлмаськемъя шаерамы быдэсъяське «Антипаводок» акция

Волонтёръёс, мыло-кыдоос секыт югдуре шедем, ляб тазалыкен адямиослэсь, СВО-ысь ожгарчиослэсь юртъер котыръёсысьтызы липетъёсысьтызы лымыез сузяло.
Та нуналъёсы Пичи Пурга ёросысь Улын Юри гуртысь волонтёръёс но школьникъёс сузязы СВО-ын бырем воргоронлэн анаезлэсь юртъер котырзэ.
Нокинэ кужмысь косоно ӧз луы: пиналъёс мыло-кыдо басьтӥськизы лопатаос борды.
Тодады вайытон вылысь: социальной объектъёсты, сюресъёсты лымылэсь сузянэз Элькун Тӧро, «Огъя Россия» партилэн Удмурт ёзэзлэн секретарез Александр Бречалов син шораз возе. Партилэн ёрос ёзъёсызлы со вазиськиз субботникъёс радъяны курыса.
Туспуктэмъёс: ЕДИНАЯ РОССИЯ | Удмуртская Республика