4 сюрс 430 семьяослы коркаосазы газ кыскыны субсидия висъямын

Правительстволэн Тӧроез Роман Ефимов:
— Догазификацияя программая адями уксё тырыны кулэ чагыр эстӥськон юртэ пыртон но оборудование басьтон понна гинэ. Тросэз уксё шуак шедьтыны шугъясько. Соин ик Президент Владимир Путин кичӧлтэмъя, коркае газ пыртыны субсидия висъяське. 2023-тӥ арысен сое басьтӥзы ни 4 сюрс 430 семьяос. Туэ юрттэтлы вазиськиз ни 83 адями.Малы висъяське субсидия:
- юртэз гуртэтӥ ортчись газ гумыен герӟаны (лэсьтӥськон ужъёслы);
- проект дасяны;
- оборудование басьтыны;
- газэз чаклась приборъёсты басьтыны но пуктыны.
Лыдэ басьтэ: юртэ газ кыскон сярысь «Газпром газораспределение Ижевск» огазеяськонэн огкыл юнматэмын луыны кулэ 2022-тӥ арысь 31-тӥ декабрь бере.Кин басьтыны быгатэ субсидиез:
- СВО-е пыриськисьёс, отысь ветеранъёс, соослэн матысь адямиоссы;
- Быдӟым ожысь ветеранъёс;
- пӧртэм ожъёсысь ветеранъёс, отын инвалид луэмъёс;
- пӧртэм ожъёсысь улонысь кошкем инвалидъёслэн матысь адямиоссы;
- трос нылпиё семьяос;
- инвалид пиналэз будэтӥсь семьяос;
- 1-тӥ группаысь инвалидъёс;
- огназы ёрмыса улӥсь адямиос, нылпи будэтӥсь начар семьяос — адямилы быдэ доходзы улыны тупатэм минимумлэсь ичигес люкаське ке.Субсидилэн быдӟалаез:
100 000 манет (одӥг юртъерлы).
Уксё кие уг вуы, Социальной выплатаосъя элькун центр сое меӵак келя газ кыскись огазеяськонлы.

Елена Слащёва.
Туспуктэм: Пичи Пурга ёросысь "Маяк" газетлэн "ВКонтакте" бамысьтыз.