Шаерамы нырысьсэ «Женщина года» вожвылъяськон ортчиз

 Отчы гуртъёсысь но каръёсысь 93 адями пыриськиз.Конкурсэз ортчытыны дэмлаз Удмуртиысь нылкышноослэн союззы, солэн тӧроез — Кун Кенешысь Ужъя, социальной политикая но ветеранъёслэн ужъёссыя ялан ужась комиссилэн кивалтӥсез Елена Дербилова.
Оглом 9 номинация вал: «СВОя поддержка», «Семья Удмуртии», «Женщина в профессии», «Сила мудрости», «Сила души», «Хранительница здоровья», «Хозяйка территории», «Бизнес-леди» но «Рукодельница». Таӵе вожвылъяськон шаерамы нырысьсэ ортчиз Президентэн Владимир Путинэн дэмлам «Семья» нацпроектэз пыӵатон улсын.Та нуналъёсы Ижысь Операя но балетъя театрын пусъемын 27 вормись, со сяна — номинантъёс.
Сӥё-дано ужрадэ вуэмын вал быдэс элькунысьтымы нылкышноос — ёросъёсысь делегациос. Соосты ӟечкылазы Удмуртилэн Тӧроез Александр Бречалов, Кун Кенешлэн Тӧроез Владимир Невоструев, Элькун Тӧролэн но Правительстволэн администрациенызы кивалтӥсь Александр Журавлёв но мукет кивалтӥсьёс.

Елена Слащёва.

Туспуктэмъёс басьтэмын udmurt.ru сайтысь но Елена Дербиловалэн вотэсбамысьтыз.