Гужем ортчоз «Инфраструктура для жизни» нацпроект улсын пыӵась «Формирование комфортной городской среды» (ФКГС) 11-тӥез конкурс

Отчы куриськонъёссэс ыстыны чаклало шаерысьтымы 7 муниципалитетъёс: Можга, Сарапул, Глазов городъёс, Дэбес, Вавож, Каракулино, Сьӧлта ёрос центръёс. Пусйыны кулэ: та ёросъёс вожвылъяськонэ пырисько нырысьсэ. Конкурсын вормизы ке, калыклы кулэ луись объектъёсты пуктыны 30 миллион манетысен 100 миллион манетозь уксё утозы.ФКГС программалэсь пайдазэ ӟечен пусйиз Россиысь Правительстволэн Тӧроез Михаил Мишустин Кун Думаын лыдӟем докладаз:
— Устоен лыдъям проектъёслы федерал бюджетысь 25 миллиард манет висъямын. Программа быдэсъяськытозь, улонэ пыӵамын 100-лэсь ятыр проектъёс. Пӧртэм интыосын кылдо калыклы кулэ луись объектъёс — городъёс, ёросъёс, гуртъёс шулдыргес но улыны тупамон луо.Кылсярысь, конкурс улсын дэбесъёс выльдыны чаклало черкогуртысьтызы Песочная ульчаысь тыметсэс, Можга карын — «Дубитель» микрорайонысь парксэс, Вавож черкогуртын — мугорез кыдатонъя центрзэс.
Туспуктэмъёс: Тӧролэн но Правительстволэн пресс-службаез.