Киное — дунтэк

Россиысь Правительстволэн Тӧроез Михаил Мишустин, Кун Думаын кылем арлы йылпумъянъёс лэсьтыкуз, ӟечен пусйиз Пушкинской картая программалэсь быдэсъяськемзэ.Программа пыӵа Президентлэн кичӧлтэмезъя быдэсъяськись «Семья» нацпроект улсын. М. Мишустин шуиз: кунысьтымы 14 аресысен 22 аресозь 13 миллион егитъёс та картаен дунтэк ветло музейёсы, кинотеатръёсы, пырисько ужрадъёсы. 5 ар куспын соослы висъямын ни 100 миллион билетъёс. Музейёслы, кинотеатръёслы та карта 50 миллиард манет тыр табыш поттыны юрттӥз.Удмуртиысь егитъёс но Пушкинской картаез мыло-кыдо куто. Кылем арын шаерамы дасямын 130 сюрс картаос. Арлы быдэ (адямилы 22 арес тырмытозь) отчы 5 сюрс манет вуэ. 3 сюрсэныз дунтэк пырыны луэ театръёсы, музейёсы, культурая мукет учреждениосы, 2 сюрс манетэз чакламын кинотеатръёслы. Пусйыны кулэ: «Семья» нацпроект улсын шаерамы 22 интыосын усьтэмын туала кинозалъёс.
Туспуктӥз Владимир Соловьёв.