Эграысь нылпи творчествоя юртын туж шулдыр, чебер но ческыт нунал ортчиз

 Кӧня ке часъёс ӵоже татын чузъяськиз удмурт кыл."Семья йылолъёсъя "Кӧкы" этнофорум" улсын "Удмурт семьялэн одӥг нуналэз" конкурслэн нырысетӥ этапаз быгатонлыкъёссэс возьматӥзы ёросысь тямыс семьяос.Соос удмурт кылын кырӟазы-веразы, семьязылэн кылдэмез сярысь историос мадизы, пыжиськемъёсынызы паймытъязы. Нылпиос, соослэн анай-атайёссы но песянай-песятайёссы вакчи инсценировкаос пыр возьматӥзы 19-тӥ даурлэн пумаз - 20-тӥ даурлэн кутсконаз улӥсь семьялэсь одӥг нуналзэ.Ӵектос радъяське Удмурт Элькунысь экономикая министерстволэн но Россиысь Азьмуртлэн фондэз юрттэмзыя. Нимысьтыз тау кариськом Эгра администрациысь дышетонъя управленилы.