Балезиноысь "Юность" центрын "Удмурт семьялэн одӥг нуналэз" конкурслэн нырысетӥ этапез ортчиз

27-тӥ тулыспалэ Балезиноысь "Юность" центрын "Семья йылолъёсъя "Кӧкы" этнофорум" улсын "Удмурт семьялэн одӥг нуналэз" конкурслэн нырысетӥ этапез ортчиз. Ужрад Анай кылъёслэн нуналзылы сӥземын вал.Вожвылъяськонэ пыриськисьёслы ӟеч мылкыд сӥзизы "Удмурт Кенеш" огазеяськонлэн Балезино ёрос ёзэтэзлэн кивалтӥсез Надежда Наговицына но "Юность" центрлэн кивалтӥсез Лариса Филиппова.Школаын дышетскись пиналъёс асьсэ анай-атайёсынызы, песянай-песятайёсынызы ӵош вакчи инсценировкаос пыр возьматӥзы 19-тӥ даурлэн пумаз - 20-тӥ даурлэн кутсконаз улӥсь семьялэсь одӥг нуналзэ, утиськись йылолъёсты. Балезиноос, кылсярысь, тодматӥзы пинал пыртон йылолэн, адӟытӥзы кунян вордӥськон нуналэз, валэктӥзы, кызьы азьло егитъёс ӝытъёссэс ортчытъязы, кызьы семьяос шуак вуэм куноосты пумиталлязы.Ӟечкыласьком вормись пиналъёсты - София но Иван Корепановъёсты, Диана Чирковаез, Макар но Алёна Русскихъёсты, озьы ик соослэсь семьязэс! Тау кариськом "Касса Взаимопомощи" огазеяськонэз кузьымъёсын юрттэмез понна.Азьпалан ужрадъёсмы ортчыны кулэ Пичи Пурга, Глазов но Эгра ёросъёсын.Ӵектос радъяське Удмурт Элькунысь экономикая министерстволэн но Россиысь Азьмуртлэн фондэз юрттэмзыя.