«Удмурт дунне» газетэ «Янарыш» газетысь журналистъёс вуылӥзы

Соос, газет поттэм сяна, мылысь-кыдысь пырисько Удмуртиын улӥсь бигеръёслэн национально-культурной автономизылэн ужаз. Сюлмасько калык сям-йылолъёссэс, культуразэс, кылзэс утён сярысь.
— Чырткемесь! — пумитамы ми куноосмес.
— ИсƏнмесез! — вазизы милемлы соос.
Ог-огмес соку ик валам! Ма, удмуртъёс но бигеръёс дауръёсын артэ уло — ог-огмылэсь вераськон манеръёсмес тодӥськом.

 Нош тодӥськоды-а, мар сярысь сипыртэ мулла бигер нунылэн пеляз? Кыӵе пирдан дасяло бызьыны вуэм нылъёс, кыӵе калым сёто эмеспиос? Эшшо берло дыре, пе, модае пырыны кутскизы «халяльной» сюанъёс. Мулла никях (нимысьтызы вӧсяськон) лыдӟе, собере эмеспилэн но выль кенлэн матысьёссы, эшъёссы люкасько. Узыр ӝӧк пукто, но кудӟытӥсь юонъёстэк.

 Елена Слащёва.