32-тӥ Гурт тол шудонъёс йылпумъяськизы

Красногорск черкогуртын 4 нунал ӵоже ӵошатсконъёс мынӥзы. 25 ёросысь 950 спортсменъёс медальёс понна нюръяськизы.
Стадионын туннэ куасэн бызьылонъя эстафетаос ортчизы, йӧ вылын ӟырдыт хоккей мынӥз, спортзалын баскетболэн шудӥсьёс зарни медаль понна нюръяськизы. Вормизы кужмоосыз.
Ужрад йылпумъяськем бере Удмуртиысь физкультурая но спортъя министр Денис Парахин, Красногорск ёрослэн йырыз Любовь Сергеева но Гурт шудонъёслэн валтӥсь судьяез Вячеслав Вичужанин вормисьёсты ӟечкылазы.Ас группаосазы ёрос командаос тазьы интыяськизы:
I группа
1. Ува. 2. Дэри. 3. Эгра
Отӥяз Пичи Пурга, Вотка, Балезино, Можга, Сарапул ёрос командаос.II группа
1. Шаркан. 2. Алнаш. 3. Вавож
Отӥяз Кизнер, Кез, Глазов, Якшур-Бӧдья, Камбарка ёрос командаос.III группа
1. Юкаменск. 2. Сьӧлта. 3. Дэбес
Отӥяз — Яр, Красногорск, Кияса, Сюмси, Грак, Каракулино ёрос командаос.Удмурт тол олимпиада йылпумъяськиз, табере гурт спортсменъёс гужем шудонъёслы дасяськонзэс мытозы. Куноосты пумитаны дасяське Шаркан ёрос.
Шаерамы ортчись Гурт шудонъёс чотын ёросъёсын тросгес спортъя объектъёс кылдо, «Спорт России» кун программалэн куронъёсыз быдэсъясько, тросгес адямиослэн тазалыксэс юнматыны-кыдатыны луонлыкъёссы кылдо.

Елена Слащёва.