Пичи Пурга черкогуртын ортчиз Вӧйдыр элькун праздник

Отчы люкаськизы шаермылэн пӧртэм сэрегъёсысьтыз 4 сюрслэсь ятыр адямиос. Ужрад ортчиз Калыкъёслэн эшъяськонзылы сӥзем арез пусъён улсын Йӧскалык политикая министерство, Эшъяськон юрт, Ӟуч культурая общество сюлмаськемъя.
Ужрадэз усьтӥзы Пичи Пурга ёрослэн йырыз Александр Деев, Кун Кенешысь культурая, туризмъя но йӧскалык политикая ялан ужась комиссилэн, «Удмурт Кенеш» огазеяськонлэн кивалтӥсез Андрей Ураськин, йӧскалык политикая министр Эдуард Петров, ӟуч культурая обществолэн дано тӧроез Сергей Фефилов.
Калык понна радъямын вал уно ужрадъёс. Табанен кунояськем сяна, куноос валэн дӧдьыен ворттылӥзы, ӵужонболэн шудӥзы, такмакъёс кырӟазы, концерт учкизы.