«ТОДматскон: просто о сложном» таӵе нимын проект улонэ пыӵаны кутскиз Йӧскалык библиотекаын

Солэн валтӥсез - Кун Кенешлэн Тӧроезлэн воштӥсез Татьяна Витальевна Ишматова.Та проектъя калыкен пумиськылозы, удмурт кылын лекциоссэс лыдӟозы егит тодосчиос. Нырысетӥ лекториез дасяз история наукаосъя кандидат, этнограф, «Удмурт нылкышно кенеш» огазеяськонлэн правлениезлэн ёзчиез Татьяна Русских. Егит тодосчи вордӥськемын Балезино ёросысь Пыбъя гуртын.«Вылтусызъя сямыз?» лекция сӥземын вал удмурт калыклэн мугор люкетъёсын герӟаськем сям-йылолъёсызлы, осконъёсызлы.Тунсыко, но кытысь но малы меда со осконъёс кылдӥллям?
Шуом, паллян син сыръя ке – бӧрдонлы шуо, бур син ке – тодмоосын пумиськод, кинэ кема ӧд адӟы, соосты адӟод.
Пельёс «ӝуало» ке, озьыен, адямиез кин ке сэрттэ – пертче, бамъёс ке ӝуало ке – кин ке тодаз вае. Егитъёс пӧлын та ласянь вӧлмемын таӵе веран: пельёс ӝуало – нылъёсы-эшъёсы тодазы ваё, бамъёссы ке ӝуало – егит пиос тодазы ваё.
Пересь муртлэн киыз капчи луэ. Ю-нянь вуэ ке вал, нырысь пересь муртэз араны потыны косо. Коть одӥг-а, кык-а культо мед керттоз...
Лекторий дыръя трос пӧртэм мукет веранъёсты но тодэ вайизы.
Пусйыны кулэ, проектъя пумиськонъёс ортылозы толэзьлы быдэ. Отчы лыктыны быгато вань мылкыд карисьёс.

Елена Слащёва.