Кун Кенешлэн Тӧроез Владимир Невоструев пумиськылӥз Удмуртилэн Тӧроеныз Александр Бречаловен

Кивалтӥсьёс туэ ар ӵоже улонэ пыӵатоно ужпумъёс сярысь кенешизы.
— Та аръёсы ми юн кусып возьыса ужамы, законъёсы трос ватсанъёс, тупатонъёс пыртэмын, выль законъёс но кутэмын вал. Нырысь ик соос герӟаськемын СВО-е пыриськемъёсын, соослэн семьяоссылы юрттонэн. «Единая Россия»-лэн кичӧлтэмезъя, СВО-е пыриськисьёслэн нылпиоссы школаын дунтэк сисько. Азьланяз уж трос али. Удмуртилэн вань команадаез СВО-е пыриськисьёслэсь кулэяськонъёссэс ӝог тодыны но юрттыны кулэ, — шуиз Удмуртилэн Тӧроез, «Единая Россия» партилэн улосысь ёзэзлэн секретарез Александр Бречалов.
Владимир Невоструев пусйиз, элькунамы пыӵа СВО-ысь бертэм ветеранъёслы улонын асьсэды шедьтыны юрттӥсь программа.
— Спецоперациысь ветеран, «СВОй резерв18» проектэ пыриськись Сергей Федотов юнматэмын вал Селта ёрослэн йырызлы воштӥсе. Табере со СВО-е пыриськисьёслы но соослэн семьяоссылы юрттонъя ужпумъёсын выроз, — шуиз Владимир Невоструев.
Удмуртилэн Тӧроез парламентлы тау кариз бюджет бордын валаса ужамзы понна.
- Бюджетэз дасян дыръя 400-лэсь трос ватсанъёс, тупатонъёс пыртэмын вал. ЖКХ бордысен кутскыса - культура, спорт дорозь. Ваньмыз со бырйисьёслэн куронъёссы, дэмланъёссы, кудъёсыз пыремын «Единая Россия» партилэн калык программаяз, — шуиз Александр Владимирович.

Елена Слащёва.

Туспуктэм басьтэмын: udmurt.ru