Анай кылэз дышетонъя фестиваль-практикум яркыт ортчиз

Ужрад сӥземын вал Анай кыллэн нуналэзлы.Фестивалез усьтӥзы Йӧскалык политикая министр Эдуард Петров, Эшъяськон юртлэн, шаерысьтымы Общественной палаталэн кивалтӥсез Юлия Шахтина.Фестивале пыриськисьёс понна пӧртэм кылъёсты дышетонъя урокъёс ортчизы. Озьы мылкыд карисьёс пыриськизы удмурт, ӟуч, бигер, пор, бесермян, чуваш, белорус, армян, азербайджан, корей, иврит, таджик, узбек, китай, грек кылъёсъя урокъёсы.
Чузъяськизы анай кылын кырӟан-веранъёс, радъяськизы адӟытонъёс.Фестивалез ортчытыны сюлмаськизы Йӧскалык политикая министерство, Эшъяськон юрт, Россиысь калыкъёслэн ассамблеязы. Озьы ик юрттӥськизы покчи ужбергатӥсьёс но. Калык веръяны быгатӥз «Емелины перепечи» кафелэсь перепеч-табаньёссэс, басьтӥз «Sayes»-лэсь удмурт шӧмо чеберъяськон арбериоссэ.