15-тӥ январьысен Инкуазез утёнъя но инкуазь узырлыкъёсъя министерствоысь специалистъёс мытӥзы пӧйшуръёсты лыдъян-чотанэз

Пӧйшуръёслэсь лыдзэс соос чаклало пытьыоссыя. Соос ортчозы 800 маршрутэз — 11 иськемлэсь ятыр. Лыдъялозы 13 пумо пӧйшуръёсты, кылсярысь, койыкъёсты, кыр парсьёсты, кионъёсты, гондыръёсты, коньыосты, лудкечъёсты, 4 пумо тылобурдоосты, кылсярысь, сялаосты, дукъяосты. Лыдъян-чотан бере тодмо луоз: кӧнялы пӧйшуръёс алямын, кӧнязэ пӧйшурасьёслы кутылыны лэземын луоз.
Пӧйшуръёсты, тылобурдоосты лыдъян-чотан радъяське Президентлэн кичӧлтэмезъя пыӵась «Экологическое благополучие» нацпроект улсын.Тодады вайытон вылысь: азьвыл аръёсы шаерамы йылэмын вал гондыръёс, койыкъёс.
Туспуктэм: Тӧролэн но Правительстволэн пресс-службаез.