«Ёлка желаний» акция улсын Яр ёросысь семья вуылӥз Тол Бабайлэн резиденцияз

2 агай-вынъёслэн Гришалэн но Гордейлэн туж потэ вал ни Тол Бабаен пумиськемзы. «Ёлка желаний! Акция улсын соослэсь куронзэс быдэстӥз инкуазез утёнъя но инкуазь узырлыкъёсъя министр Роза Аснанова. Бадӟымез Гриша туж яратэ литератураез, эшъяське спортэн, Гордейлы кельше суредаськыны. Тол Бабай дорын соос резиденциетӥз калгизы, валэн дӧдьыен ворттылӥзы.
— Тол Бабай доры тужгес но зол вуылэмез потэ вал Гришалэн. Угось нылпи садэ ветлыкуз, воспитательёс трос мадьылӥзы удмурт выжыкылъёс, сям-йылолъёс сярысь. Гриша но соосын тунсыкъяськыны кутскиз. «Шаркан» паркын милемыз пумитаз ачиз Тол Бабай. Гриша шумпотэменыз кытчы кариськыны уг вала вал ни! Пичиезлы но туж кельшиз. Пиосы ас синмынызы тодматскизы удмурт выжыкылъёсысь геройёсын, — шуиз пиослэн анайзы. «Ёлка желаний» акция ортче Президент Владимир Путин кичӧлтэмъя. Со улсын кун ёзъёсысь кивалтӥсьёс, депутатъёс, ужбергатӥсьёс, ӟеч уж лэсьтыны вань мылкыд карисьёс кузьымъёсын шумпотто секыт югдуре шедем, ёрмись семьяосысь, сирота кылем нылпиосты, СВО-ысь ожгарчиослэсь пиналъёссэс. Кылем арын, кылсярысь, «Ёлка желаний» акция улсын быдэстэмын вал шаерысьтымы 800 пиналъёслэн куронъёссы.
Туспуктэм: Тӧролэн но Правительстволэн пресс-службаез.