Якшур-Бӧдья ёросысь семья вуылӥз Тӧролэн но Правительстволэн резиденцияз

Солэсь пушсэ, пе, адӟеме потэ — таӵе куронэн «Ёлка желаний» акцие вазиськем та семьяысь 11 аресъем Юлия. Соосты пумитаз но резиденциез возьматӥз Тӧролэн но Правительстволэн администрациенызы кивалтӥсь Александр Журавлев. Бӧрысь соос, ӝӧк сьӧры дэмен пуксьыса, чай юизы, куспазы кенешизы. Юлия вераз: кырӟаны яратӥсько, нош Мария апае вуриське но суредаське, солы туж кельше робототехникаен вырыны.Александр Журавлев шуиз:
— Юлиялэн но Мариялэн атайзы али СВО-ын. «Ёлка желаний» акция улсын бадӟым саклык висъяськомы ожгарчиослэн нылпиоссылэсь куронъёссэс быдэстонлы. Толэзьлы быдэ пумиськылӥськисько соослэн семьяосынызы, сюлмаськытӥсь ужпумъёссы сярысь юалляськисько. Соослэсь быдэсмемзэс чакласа возе Тӧро Александр Бречалов.Тодады вайытон вылысь: «Ёлка желаний» акция улсын кун ёзъёсысь кивалтӥсьёс, депутатъёс, ужбергатӥсьёс, ӟеч уж лэсьтыны вань мылкыд карисьёс кузьымъёсын шумпотто секыт югдуре шедем, ёрмись семьяосысь, сирота кылем нылпиосты, СВО-ысь ожгарчиослэсь пиналъёссэс. Кылем арын та акция улсын шаерысьтымы 800 пиналъёслэн куронъёссы быдэсмизы.