Азьмуртлэн грантъёсъя фондэзлэн 2026-тӥ ар понна ялэм нырысетӥ вожвылъяськоназ вормисьёсты шараязы.

Ӟечкыласьком "Покчи тодосчи" ӵектослэсь командазэ! Ӵектос радъяськоз Дышетон удысысь йӧскалык ужпумъёсты эскеронъя тодос институтэн ӵош."Покчи тодосчи: Герои живут среди нас" форум - пиналъёслэсь удмурт кылын эскерон быгатонлыкъёссэс азинтонъя ӵектос. Отчы пыриськыны быгатозы Удмурт Элькунысь но Татарстанысь 4-7 аресъем нылпиос но 1-2-тӥ классъёсын дышетскисьёс. Проект кык этапен ортчоз - заочной но очной амалъёсын. Нырысь ик пиналъёслэн ужъёсынызы видео гожтоно луоз. Туэ ӵектос патриотизм темалы сӥземын, соин ик нылпиос удмурт кылын эскеронъёсты быдэстозы но атыкай музъемез утисьёс сярысь вералозы, нош дышетӥсьёссы но анай-атайёссы темаез бырйыны, видео лэсьтыны соослы юрттозы. Форумлэн йылпумъян очной этапаз вормисьёсты но номинантъёсты шараялозы.