Россиысь калыкъёслэн огъя луэмзылэн арезлы кутскон сётэмын

13-тӥ толшоре Ижкарын Калыкъёслэн эшъяськон юртазы йӧскалык лулчеберетэз азинтон но калык кусыпъёсты юнматон ӧръя "Содружество" мерлыко премиез сётон ужрад ортчиз.Сӥё-дано ужрад улсын куать номинациын 18 адямиез пусйизы. Со йӧскалык огазеяськонъёслэн кивалтӥсьёссы но ёзчиоссы, дышетӥсьёс, лулчеберет удысын ужась ӧнерчиос но мукет. Пӧлазы "кенешчиос" но.- "Удмурт Кенеш" огазеяськонлэн Пичи Пурга ёросысь ёзэтэзлэн кивалтӥсез Надежда Степанова;
- "Удмурт Кенеш" огазеяськонлэн Ижкарысь Устинов ёросысь ёзэтэзлэн ёзчиез, Кузебай Герд нимо гимназилэн кивалтӥсез Татьяна Волкова;
- "Удмурт Кенеш" огазеяськонлэн Шаркан ёросысь ёзэтэзлэн ёзчиез, Удмурт лулчеберетъя "Быги" йӧскалык центрлэн кивалтӥсез Жанна Ермолаева;
- "Удмурт Кенеш" огазеяськонлэн Ижкарысь Индустри ёросысь ёзэтэзлэн ёзчиез, Кузебай Герд нимо гимназиысь дышетӥсь Наталья Дмитриева;
- "АРТЭ" мер огазеяськонлэн кивалтӥсез, Кузебай Герд нимо гимназиысь дышетӥсь Людмила Юшкова;
- "Удмурт нылкышно кенеш" огазеяськонлэн Глазов ёросысь ёзэтэзлэн кивалтӥсез Марина Наговицына;
- "Удмурт Кенеш" огазеяськонлэн Пичи Пурга ёросысь ёзэтэзлэн ёзчиез, Улӥ Посьтол гуртысь удмурт кылъя но литературая дышетӥсь Ирина Коротаева;
- Воткаысь крезьгуръя но педагогикая П.И. Чайковский нимо колледжысь удмурт калык инструментъёсъя "Сайкан" ансамбльлэн кивалтӥсез Сергей Трофимов.Ӟечкыласьком!Данъян ужрадын номинатъёслы но куноосы улосвылысь дано артистъёс, творческой коллективъёс мылкыд сётӥзы. Премиез басьтон понна вожвылъяськонэ быдэс элькунысь 62 куриськон вуиз. Соосты лулчеберет, дышетон, тодос, йӧскалык политика удысъёсысь ӧнерчиос эскеризы.