Удмуртиын улӥсьёс пыриськизы быдэс Россиын ортчись «Сасибо за жизнь» онлайн-флешмобе

Со ортче 2021-тӥ арысен, сӥземын ӟеч уж лэсьтонлы. Удмуртиын со радъяськиз Калыклы улон-вылонын юрттэт сётон политикая но ужъя министерство, Нылпиослэсь правооссэс утёнъя уполномоченнойлэн аппаратэз сюлмаськемъя. Песянай-песятайёслы, анай-атайёслы, нылпиослы, социальной удысын ужасьёслы тау каронэ пыриськизы уно адямиос — соос социальной сетьёсы пуктылӥзы ӟеч уж лэсьтэмзы сярысь туспуктэмъёссэс, видеороликъёссэс.Кылсярысь, Сарапулысь Калыклы улон-вылонын юрттэт сётонъя центрын тыршисьёс али вордскем нуныослы пыдвылъёс керттӥзы — соос люкылэмын та толэзе вордскем нылпиослы. Онлайн-флешмобе пыриськисьёс уноез видео лэсьтӥллям — озьы соос тау каро анай-атайёссылы, дышетӥсьёссылы, гажано адямиоссылы.
Туспуктэм: Тӧролэн но Правительстволэн пресс-службаез.