Удмуртиын ортчиз Приволжск федерал округын радъяськылӥсь «Что? Где? Когда?» олимпиадалэн улос люкетэз

Со радъяське Президентлэн кичӧлтэмезъя пыӵась «Молодёжь и дети» нацпроект улсын.
Олимпиадалэн улос люкетэз ортчиз Ижысь 8 номеро школаын — отчы пыриськизы 29 муниципал кылдытэтъёсысь 39 дышетсконниосысь нылпиос.Дышетонъя но наукая министр Светлана Болотникова:
— «Что? Где? Когда?» олимпиада ортче 2015-тӥ арысен Президентлэн Приволжск федерал округъя оскем муртэзлэн кичӧлтэмезъя. ПФО-ын быдэсъяськись проектъёс пӧлысь одӥгез бадӟымез луэ. 11 ар ӵоже ини пиналъёс отчы мыло-кыдо пырисько. Пиналъёс кужымзэс мертазы но визьзэс сыназы пӧртэм удысъёсъя, кылсярысь, «Робототехника», «БПЛА», «БПЛА-ослы программаосты кылдытон».1-тӥ интые потӥзы Ижысь «Фу, люди» командаысь нылпиос, 2-тӥ луиз Ижысь «Победоносцы» команда, 3-тӥ интыез утӥз Глазовысь «Твердый знак» команда.
Вормисе потэм командаос азьланяз вожвылъяськозы Удмуртилэн сборноеныз. Таяз ӵошатсконын вормисе потэм команда Удмуртилэсь данзэ утёз олимпиадалэн финалаз — со ортчоз 11-тӥ — 13-тӥ мартэ Пермь городын.
Туспуктэмъёс: Тӧролэн но Правительстволэн пресс-службаез.