Удмуртиысь 44 школьникъёс Кремле Выль арез пумитаны вуылӥзы

Со ортчиз Кремльысь дворецын. Та ужрад арлы быдэ радъяське Президент Владимир Путин кичӧлтэмъя. Туэ но ёлкае пыриськизы 89 улосъёсысь 5 сюрслэсь ятыр школьникъёс, озьы ик вуизы Абхазиысь, Лымшор Осетиысь, Приднестровьеысь нылпиос.
Ужрад ортчиз «Движение первых» огазеяськон сюлмаськемъя.Ёлкае вуылэм школьникъёс — СВО-ысь ожгарчиослэн пиналъёссы, озьы ик трос нылпиё семьяосысь, пӧртэм удысъёсын вормонъёс басьтэм нылъёс но пиос. Пиналъёс пӧлысь уноез Москвае нырысьсэ вуылӥзы. Соос понна отын радъяськиз тунсыко программа. Кремльысь ёлкае сяна, соос вуылӥзы Москваысь пӧртэм интыосы.
Туспуктэм: Тӧролэн но Правительстволэн пресс-службаез.